Shumë shpejt Serbia mund të varet nga Shqipëria për gazin. Për këtë arsye, ajo duhet të rregullojë marrëdhëniet me Tiranën dhe të zgjidhë disa çështje pezull. Pozicioni i Serbisë tashmë është bërë i pakëndshëm, sidomos pas dështimit të projektit rus, “South Stream”, shkruan në një analizë Vestie.
Në tre vite, Shqipëria pritet të përfitojë 400 milion euro nga projekti TAP. Ky projekt fillimisht nuk ishte favorit, por ai arriti që të triumfonte ndaj “Nabucco”, që do të favirozonte Beogradin. Gazi azer do të arrijë kështu në europë, nëpërmjet Shqipërisë, përveç Greqisë dhe Turqisë. Dhe, nëpërmjet vendit tonë, do të shpërndahet në vendet e tjera ballkanike, Kosovë, Maqedoni, Mal të zi dhe Bosnje Hercegovinë. Në këtë projekt natyrisht që Tirana ka mbështetjen e Uashingtonit, që e sheh Shqipërinë si një aleat të besueshëm. Shqipëria shihet si një aleat besnik ndaj NATO-s dhe SHBA-së dhe nuk ka asnjë lidhje me Rusinë. Analistët megjithatë, thonë se Shqipëria vazhdon të mbështetet ende, edhe në ekonominë mafioze.
Serbia shumë shpejt mund të varet nga Shqipëria për gazin
