Një deputet i PDK-së në Kosovë, Berat Buzhala shkruan se miqësia e re e Ramës me Vucic ka në bazë edhe mundësinë që të pajtohen për mohimin e egzistencës së Kosovës. Sipas tij Rama shkoi në Beograd për të peshkuar budallenj në Kosovë.
“Edi Rama dhe Aleksandër Vuçiç, tashmë të vetëdeklaruar si miq të ngushtë, në mes tjerash, duket se pajtohen edhe për një çështje mjaft kritike për ne: mohimi i ekzistencës së shtetit të Kosovës. Përkundër llavës së pakontrolluar, unë pata refuzuar ta pranoj, si akt të lartë patriotik, spektaklin e dobët të Kryeministrit të Shqipërisë, Edi Rama, në Beograd, nëntorin e kaluar. Jo pse nuk kishte tingëlluar mirë për veshët tanë ajo çfarë Rama kishte thënë në takim me Vuçiçin, por se isha i bindur se Kryeministri i Shqipërisë po aktronte. Ose thënë ndryshe, me gjuhën e Edi Ramës, ai kishte shkuar në Beograd për të peshkuar budallenj në Prishtinë. Por të vërtetën, cullak, se çfarë vërtet mendon Edi Rama për Aleksander Vuçiçin, e kuptuam në të ashtuquajturin Samiti i Tiranës, ku dy kryeministrat po vetëpromovoheshin si liderët e ardhshëm të Ballkanit. Dhe në shërbim të kësaj qasjeje të re, ata u pajtuan që të deklaroheshin me njëri-tjetrin si ‘miq personalë’. Pra, në një hark kohor prej 7-8 muajsh, dy aktorët kryesorë të Ballkanit, Rama dhe Vuçiç, shënuan dy momentet e tyre. Fillimisht zënka në Beograd, e pastaj, siç rëndom ndodh me dashuritë e reja, pasoi romanca e Tiranës” ,shkruna ndër të tjera Buzhala në një koment të vetin tek express i Kosovës.
Deputeti i PDK-së: Rama në Beograd, të peshkojë budallenj në Kosovë
