Prokuroria për Krime të Rënda, në bashkëpunim me Policinë e Shtetit, arritën të provonin se shtetasit Kleo Gjinkola, Fran Kolaj dhe Alban Dodaj, të tre ushtarë profesionistë, banues në Lezhë, prodhonin dhe shisnin sipas porosive bomba me mekanizma shpërthyer nga distanca, kundrejt shumave 1500-2500 euro. Të tre janë hetuar me masën e sigurimit «arrest në burg» dhe janë arrestuar në qershor të vitit të kaluar.
Nga përgjimet telefonike ka rezultuar se midis personit nën hetim Alban Donaj me numrin e telefonit xxxx013 dhe numrit të telefonit xxxx642 i cili përdorej nga personi nën hetim Kleo Gjinkola ka patur shumë komunkime.
Në komunkimin e datës 15.06.2014 të orës 07:08:58 gjatë bisedës Albani i thotë Kleos
‘’…Atë telefonin e rregullovë hë…, vetëm tash e ka në dorë Frani me i vu bokset eee…’’. Në një komunikim tjetër mnidis tyre Albani përdorues i numrit të telefonit xxxxx013 i thotë Kleos:‘’…
Unë njitash, njitash besoj mundem, sa të montoj «boksin»tash, se ma ka pru të pamontumë dhe takoena , po vij më mbrapa…’’. Biseda e datës 22.06.2014 ora 10:30:12.
Në bisedën e datës 07.07.2014 ora 10:11:57 Albani nga numri i tij i telefonit xxxx013 i kërkon Kleo Gjinkolës në numrin xxxxx642 që ti japë 35 mijë lek pasi do të blejë dy telefona…Pas kësaj bisede rreth orës 11:44:09 po të datës 07.07.2014 Kleo Gjinkola nga numri i tij xxxx642 flet me Fran Kolën që ka patur në përdorim numrin xxxx571 ku i thotë për bisedën që ka bërë me Albanin për shumën prej 35 mijë lekëve edhe Frani i thotë Kleos:
‘’…Epo qáshtu të thotë pra, se 10 mijë lek , 10 mijë lek bojnë dy telefona… Ato i bomë sipër, janë në rregull, nja dy i kam marrë baterinë me i rregullu…’’.
