Kandidati i ASHE-së për Bashkinë e Tiranës, Erion Veliaj i ftuar sot në mëngjes në emisionin “Koha për tu Zgjuar” të Bashkim Hoxhës e cilësoi përrallë me mbret, idenë dhe premtimin e Lulzim Bashës për tramin e Tiranës.
Me këtë “konstatim” Erion Veliaj i ka dhënë një shuplakë edhe Edi Ramës, i cili para katër vitesh, premtimin e Lulzim Bashës për një tram, e pasoi me premtimin për pesë linja trami, në Tiranë nëpërmjet projektit “Tram Tirana”.
Ajo që për Edi Ramën katër vjet më parë ishte “ëndërr”, tek e cila “mbështetemi te vetja, çfarë kemi bërë dhe tek të tjerët, çfarë kanë bërë para nesh. Tendenca e zhvillimit në Tiranë ku ëndrrën e projektojmë hap pas hapi përmes programesh të mirë-detajuara, ku shprehet tendenca e fundit përtej kufirit”, për Erion Veliaj sot është “përrallë me mbret”, e treguar nga Edi Rama.
Pesë linjat e “Tram Tirana”, që premtonte Edi Rama katër vjet më parë
Universiteti Politeknik – Kombinat
Universiteti Politeknik – Kampusi i ri universitar i Tufinës
Universiteti Politeknik – Universiteti Bujqësor i Kamzës
Universiteti Politeknik – Parku i ri i Paskuqanit
Tiranë – Aeroporti i Rinasit
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
