Policia e Tiranës ka zbardhur grabitjen e ndodhur tre ditë më parë në filialin e NBG Banke në “Rrugën e Kavajës” në kryeqytet duke vënë në pranga tre autorë të dyshuar, të tre 19-vjeçarë.
Pas një pune intensive hetimore dhe operacionale gjatë 72 orëve të fundit të strukturave të Drejtorisë Policisë Tiranë dhe konkretisht Sektorit kundër krimeve të rënda, sektorit të Operacioneve Speciale, Komisariatit te Policise nr. 1 , në bashkëpunim dhe me Prokurorinë e Rrethit Gjyqësor Tiranë, u bë e mundur zbulimi dhe dokumentimi i vjedhjes me armë dhe me dhunë i një banke në rrugën e “Kavajës” ndodhur më datë 20.05.2015.
Sipas policisë, më datë 23.05.2015, u finalizua me sukses operacioni policor i koduar “YARIS”, ku si rezultat u bë e mundur dokumentimi ligjor i vjedhjes se bankës.
Sipas të njëjtave burime të policisë, mësohet se tre të dyshuairt për vjedhjen e bankës, janë Kristi Sulollari, i cili u kap në vendin e quajtur “Tajwan” ku punonte si kamerier; Kristi Kajo u kap në shtëpinë e gjyshes së tij në rrugën “Irfan Tomini” ndërsa Rei Cenolli u kap në Voskopjë, Korçë në shtëpinë e xhaxhait të tij.
Nga ana e policisë kryen veprimet procedurale dhe materialet do ti dërgohen Prokurorisë Tiranë, për veprat penale të “Vjedhje banke dhe arkave te kursimit”, “Mbajtje pa leje e armëve luftarake”.
Të arrestuarit
1- Kristi Sulollari, 19 vjeç
2- Kristi Kajo, 19 vjeç
3- Rei Cenolli, 19 vjeç
Provat e sekuestruara
6.879.000 lekë të vjetra,
3 aparate celulare,
një kapele e përdorur në ngjarje
si dhe mjeti “Toyota Yaris” me targe AA 861 LD që u përdor në ngjarje për të sjellë dhe larguar autorët.
Për më shumë mund të lexoni edhe …
/web/FOTO_Tirane_maskat_grabisin_nen_kercenimin_e_armeve_filialin_e_NBG_Bank_2415_1.php
