Erion Veliaj ka shpërndarë leje legalizimi në Sauk sot pasdite sëbashku me drejtorin e Legalizimeve, Artan Lame. Më të njëjtën llogjikë, Erion Veliaj nesër mund të shkojë te ministria e Brendshme dhe të caktojë në punë disa policë, mund të shpërndajë vaksina nga spitali Nënë Tereza. Nëse sportelet e qeverisë që u shërbejnë qytetarëve kushtëzohen me votën e tyre për cunat e qeverisë atëherë votimet nuk janë më ngjarje demokratike por votim me kokrra të bardha e të zeza si në ’45. Ai mund të lavdërojë Lamen që sipas Veliaj “bëri 30 mijë legalizime në ditë”, mund të thotë për Ramën që bëri 100 km rrugë të re në ditë, mund të thotë edhe për veten se bëri dy fabrika në ditë e punësoi po atë ditë, ndoshta vetëm paradite 2000 nevojtarë. Por sportelet e shërbimeve të qeverisë nuk mund të projektohen në sloganin e Erionit ku del herë si banane, e herë si kungull dikush që të kërkon votën në këmbim të shërbimit që e paguajmë me taksa (droni.al).
Pse Erion Veliaj duhet të shpërndajë leje legalizimi!
