Zyra Konsullore e Ambasadës e Republikës së Shqipërisë në Athinë njofton se, në rastet kur të dy prindërit ose njëri prej tyre nuk janë të pajisur me leje qëndrimi në Greqi, Zyrat e Gjendjes Civile greke nuk kryejnë regjistrimin e emrit të fëmijës së lindur.
Për rastet e mësipërme zyra konsullore përpilon një akt regjistrimi të emrit të fëmijës dhe për këtë kërkohet:
1. Paraqitja fizike në Ambasadë e dy prindërve me pasaportat e tyre biometrike
2. Vërtetimi i lindjes nga materniteti (βεβαίωση τοκετού) i legalizuar nga Ministria e Shëndetësisë (Aristotelous 17) dhe Ministria e Jashtme greke (Arionos 10, Monasriraki)
3. Fatura e pagesës në bankën Pireaus, në numrin e llogarisë 5053-047484-795. Vlera e taksës së Aktit është 30 Euro
Theksojmë se, regjistrimi i emrit të fëmijës (në bazë të aktit të sipërpërmendur) në Zyrat e Gjendjes Civile greke mund të kryhet vetëm kur njëri nga prindërit është i pajisur me leje qëndrimi, njofton Ambasada Shqiptare në Athinë.
