Përfaqësuesja e Shqipërisë Elhaida Dani u ngjit në skenën e “Eurovision Song Contest”, këtë radhë në një garë të fortë.
Ajo performoi e 14 me këngën “I’m alive” në natën e parë gjysmëfinale të këtij edicioni , i cili startoi sonte.
Perormanca e saj ishte e shkëlqyer, ndërsa në përfundim të saj këngëtarja shkodrane falenderoi edhe në gjuhën shqipe.
Ndërsa Elhaida bëri detyrën me përfaqësimin e saj dinjitoz në këtë eveniment të rëndësishëm muzikor i cili mbahet këtë vit në Vienë të Austrisë, mbetet detyrë e shqiptarëve jashtë kufijve administrativë të Shqipërisë, saktësisht në Moldavi, Armeni, Belgjikë, Holandë, Finlandë, Greqi, Estoni, Maqedoni, Serbi, Hungari, Bjellorusi, Rusi, Danimarkë, Rumani, Gjeorgji, Spanjë, Austri, Francë, Australi për ta mbështetur atë duke e votuar në nr. 14.
Shqiptarët jashtë territorit të Shqipërisë, mund të votojnë për këngën shqiptare “I’m Alive” të Elhaida Danit, duke dërguar një mesazh në numrat përkatës të telefonave të cilët do të shfaqen në televizionet e vendeve ku ata jetojnë.
Për të mësuar si të votoni këngën shqiptare, shikoni në YouTube linkun e mëposhtëm:
https://www.youtube.com/watch?v=bVAKDLfrpLE
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
