Partia Socialiste ka prezantuar dje kolonën zanore që do të shoqërojë fushatën elektorale të koalicionit të majtë, Aleanca për Shqipërinë Europiane, gjatë prezantimit të 61 kandidatëve për bashkitë e vendit. Kolona zanore e përzgjedhur është ajo e grupit “The Gossip Band” – “Move in the rigat direction” (Lëviz në drejtimin e duhur).
Titulli dhe testi i këngës janë të ngjashme me sloganin e përzgjedhur nga e majta për bashkitë e vendit, “Drejtimi i duhur”. Në vitin 2013, Partia Socialiste kishte si kolonë zanore këngën “Born Free” të grupit “Kid Rock”. Duket se kësaj radhe përzgjedhja ka kaluar nga rryma “Rock” në “Punk rock”.
Grupi “The Gossip” ka si vokaliste këngëtaren Mery Beth Patterson, e njohur me emrin e artit Beth Ditto. Këngëtarja amerikane ka kënduar edhe me grupin “Punk Soul” dhe më pas me “The Gossip”.
Në faqen e Wikipedias këngëtarja Beth Ditto ka deklaruar hapur orientimin e saj seksual si lesbike, ndërkohë që karriera e saj është orientuar hapur drejt mbrojtjes së të drejtave të komunitetit “Lesbike, gey, biseksual dhe transvestit”.
Në vitin 2013, këngëtarja ka postuar në faqen e “Facebook”ut foto të dasmës së saj në ishujt e Hawait me asistenten e saj Kristin Ogata.
Këngëtarja amerikane ka shkaktuar mjaft polemika me shoqatat që mbrojnë të drejtat e kafshëve, pasi në një intervistë për gazetën “News Musical Express” ajo ka deklaruar se kur ishte e vogël familja e saj ushqehej me mish ketri. Kjo deklaratë e saj ka shkaktuar reagime të forta kundër saj.
VIDEO/ PS-ja kolonë zanore të fushatës, këngën e lesbikes së “The Gossip Band”
Po ndodh
