Kandidatja e majtë Keti Bazhdari padit ish-kryeministrin Sali Berisha në Prokurori.
Kandidatja e Aleancës për Shqipërinë Europiane për bashkinë e Shkodrës, padit deputetin demokrat për shpifje por gjithashtu do të bëjë dhe një padi civile për cenim të nderit dhe personalitetit.
“Kjo deklaratë është kryer me dashje direkte dhe me qëllim për të diskredituar në opinionin shoqëror nderin dhe dinjitetin e personit tim, me qëllim për të influencuar në mënyrë të paligjshme në elektoratin e Bashkisë Shkodër për zgjedhjet vendore të datës 21 qershor 2015. E bindur në verdiktin e drejtë dhe të ndershëm të organeve të drejtësisë, pres me padurim që deputeti Sali Berisha të shpallet publikisht shpifës nga gjyqësori si dhe siguroj opinion publik që çdo qindarka që do marr si dëmshpërblim nga shkelësi i ligjit, Sali Berisha, nga procesi civil kundër këtij të fundit do t’ia dhuroj Shkollës ‘Iliria’ me qëllim dhe destinacion përmirësimin e kushteve të komunitetit egjiptian”, është shprehur Bazhdari.
Padia e saj, ka të bëjë me deklaratat e djeshme që Berisha bëri në parlament lidhur me mënyrën e vendosjes së pasurisë nga Bazhdari.
Për më shumë mund të lexoni edhe …
/web/_Keti_Bazhdari_e_vuri_pasurine_duke_kercenuar_me_pistolete_1766_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
