Tre femra kërcënojnë me armë dhe përdhunojnë një mashkull

Një mashkull po priste autostop por tre femra që e morën në makinën e tyre e përdhunuan duke i marrë spermën.
Ngjarja ka ndodhur në Port Elizabeth në Afrikëne Jugut.
Policia e Afrikës së Jugut ka nisur një hetim, pasi burri u rrëmbye dhe u përdhunua nga tri gra.
Burri 33-vjeçar i paidentifikuar thuhet se u detyrua të futej në pjesën e prapme të një automjeti tip “BMW” e zezë, që drejtohej nga tri gra, të cilat u nisën në drejtim të Kwazakhele Township, Port Elizabeth.
Gratë e detyruan burrin që të pinte një “substancë të panjohur” para se ta përdhunonin atë, dhe t’i merrnin spermën në një qese plastike. Më pas ato e hodhën në rrugë burrin nga makina, rreth 500 km nga vendi ku ai u kap fillimisht.
Kjo metodë është bërë mjaft e njohur në vendin afrikan ku femrat vjedhin spermën të cilën më pas e shesin në tregun e zi.
Efektivi Mncedi Mbombo tha se viktima ishte “ende i frikësuar” kur u gjet, dhe theksoi se, “ky është një rast me të vërtetë konfuz për ne, sepse ne kurrë nuk kemi dëgjuar për një gjë të tillë më parë”.
“Njeriu ishte plotësisht i ndërgjegjshëm dhe ai është ende i traumatizuar”, tha ai.
Megjithatë pas shumë denoncimeve ende nuk është bërë asnjë arrestim nga policia vendase.

/DRONI.al/