Komisioni Qendror i Zgjedhjeve nuk ka regjistruar sot kandidaturën e Grida Dumës, si kandidate për Bashkinë e Durrësit, ndërsa ka kthyer dosjen e saj për plotësim dokumentacioni. Mësohet se shkak është bërë mbiemri i Dumës, pasi në dokumentet figuronte dhe ai Shina.
Gjatë mbledhjes ka pasur debate për mbiemrin e kandidates së të djathtëve, pasi ajo ka kërkuar të regjistrohej me dy të tillë (Grida Duma Shina).
Ndërkohë, KQZ regjistroi disa nga kandidatët që do të garojnë për zgjedhjet lokale të 21 qershorit për bashkinë e Tiranës, Durrësit, Fierit, Shkodrës, Lezhës dhe Korçës.
Siç dihet, për kryeqytetin, KQZ ka regjistruar kandidatët Halim Kosova, Erion Veliajn dhe Dhimitër Muslian, përfaqësues i Kristiandemokratëve. Ndërkohë për Kamzën u regjistrua kandidati, Xhelal Mziu, përfaqësues i PD-së. Ndërsa për Durrësin, Vangjush Dako nga PS-ja. Po ashtu, për Fierin, janë regjistruar Armando Subashi dhe Enkelejd Alibeaj.
Sakaq, pjesë e listës zyrtare nga KQZ ka qenë Keti Bazhdari(PS-LSI) dhe Voltana Ademi (PD) si dhe për Lezhën Fran Frrokaj. Po ashtu, u regjistruan dhe dy kandidatën për Bashkinë Korçë, Sotiraq Filo (PS) dhe Gjergji Mero (PD).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
