Image GalleryPartia Demokratike dënoi sot përpjekjet e dështuara sipas saj “të dyshes Rama – Meta për të kamufluar dhunën politike të urdhëruar dhe orkestruar nga kjo dyshe në aktivitetin elektoral të kryetarit të opozitës në Ersekë. Përpjekja mjerane për të kamufluar identitetin e autori të dhunës, nxjerr edhe më zbuluar autorët e vërtetë të dhunës në Ersekë, dyshen Rama – Meta”, u shpreh zëdhënësja e PD-së.
Duke treguar disa foto, të agresorit në tubimin e PD-së në Ersekë, zëdhënësja e PD-së, bëri të ditur se, “Ja tek janë fotot që tregojnë se Suel Liço është pjesë e strukturave të Partisë Socialiste siç edhe njihet publikisht nga banorët e Ersekës. Mos dënimi i sulmit ditën e djeshme dhe mashtrimi i opinionit sot, dëshmojnë qartë se prapa këtij sulmi të dhunshëm në Ersekë, nuk qëndron askush përveç Edi Ramës dhe Ilir Metës”.
PD paralajmëron se dyshja Rama – Meta do të mbajnë përgjegjësi për tensionimin e fushatës, ndërsa fton mbarë qytetarët të forcojnë bashkimin kundër oligarkisë Rama – Meta.
“Partia Demokratike paralajmëron me forcë dyshen Rama – Meta se do të mbajnë përgjegjësi personale të plotë dhe të gjithanshme për tensionimin e fushatës elektorale dhe aktet e dhunës kundër opozitës. Dyshen Rama – Meta e ka zënë paniku prej ditës se gjykimit që po afron. Partia Demokratike i bën thirrje anëtarëve, simpatizantëve dhe mbarë qytetarëve të zgjerojnë dhe forcojnë bashkimin tonë për t’i thënë jo oligarkisë Rama – Meta, për t’i thënë jo dhunës dhe terrorit, për të larguar me votë të keqen që ka mbërthyer vendin”, përfundon deklarata e PD-së.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
