Deputeti i LSI-së Agim Cela sëbashku kandidaten për kryetare bashkie, Keti Bazhdari janë përfshirë në një incident në Shkodër me drejtorin espitalit të këtij qyteti. Ish-kryeparlamentarja Jozefina Topalli i kërkoi sot në Parlament Prokurorisë se duhet të nisë hetimet për një deputet të maxhorancës që ka goditur me grusht drejtorin e Spitalit të Shkodrës pasi refuzoi ti japë dy tendera. “Një deputet i Rilindjes ka shkuar në zyrën e drejtorit dhe pasi i ka kërkuar 20 vende pune dhe 2 tendera dhe pasi drejtori e ka refuzu, deputeti e ka agresuar me grushta. Prokuroria të nisë menjëherë hetimin për këtë rast. Nuk ka ndodhur kurrë në zyrën e shtetit që një doktor të agresohet kur refuzon deputetin për tendera”, tha Topalli.
Pas kësaj deklerate ka reaguar kryetari i PD-së në Shkodër dhe drejtori i Spitalit. Në një deklaratë për mediat, kreu i PD-së në Shkodër Ramiz Çobaj ka thënë se dorëheqja e drejtorit të Spitalit ka ardhur si pasojë e presionit të kryer nga deputetit i LSI-së, Agim Çela dhe kandidatja e PS-së Keti Bazhdari për Bashkinë e Shkodrës, ndërsa refuzimi për t’u larguar sipas tij, çoi në dhunë.
Ndërkaq, në një reagim për televizionin “Neës24”, drejtori i Spitalit të Shkodrës, Shpëtim Ymeri nuk ka pranuar se është goditur apo se ka pasur presion, por se ai është larguar për arsye personale.
Palët e përfshira në këtë cështje nuk bien dakord por fakt është se drejtori është larguar dhe burime nga spitali i Shkodrës thonë se nuk ka pasur ndonjë problem personal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
