Prezantimi i Vangjush Dakos sot në Durrës, është pasuar nga një mbledhje e Edi Ramës, me strukturat vendore të Partisë Socialiste.
Mbledhja u zhvillua në Pallatin e Kulturës në Durrës dhe zgjati për rreth një orë, ndërsa në të merrnin pjesë kryetari i Kuvendit, Ilir Meta, deputetë të Partisë Socialiste të këtij Qarku dhe përfaqësues të pushtetit vendor.
Nga burime brenda këtij takimi mësohet se mbledhja nisi nën masa të forta sigurie, ku Garda kreu kontrolle të shumta mes të pranishmëve edhe për aparate përgjimi. Gjatë takimit u
ndërprenë edhe hyrjedaljet në Pallatin e Kulturës, ndërkohë që në këtë institucion ndodhen edhe disa zyra të medieve dhe administratës lokale.
Masat e rrepta në Durrës, u muarën pasi më herët, ishkryeministri Sali Berisha publikoi një material audio të një takimi që Edi Rama kishte zhvilluar me strukturat e forcës politike që ai drejton, bashkë me ato të LSIsë, në qytetin e Shkodrës. Në audion e transkriptuar dhe e publikuar nga ish-kryeministri Sali Berisha, dëgjohej kryeministri Edi Rama duke u dhënë urdhra drejtorëve të këtij qarku që të angazhohen personalisht në mbledhjen e votave për kandidaten e PS-së, Keti Bazhdari.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
