Erion Veliaj, kandidati i mazhorancës për bashkinë e Tiranës, së bashku me kreun e Kuvendit Ilir Meta, ishin sot në ceremoninë e hapjes së Panairit të Punës. Siç është “traditë” tashmë, nuk mungojnë fjalimet në të tilla evente. Ndërsa Erion Veliaj në përfundim të fjalës së tij, duke ftuar për të përshëndetur Ilir Metën bëri një lapsus, duke thanë “parlamenti i punës” në vend të “panairi i punës”, kreu i Kuvendit “nuk e la rastin ti ikte nga dora”, për të demonstruar edhe dhënie leksion për gjuhën italiane.
Sa do të doja që lapsusi i Erion Veliajt të ishte i vërtetë, që Parlamenti, të ishte vërtetë i punës, dhe jo i fjalëve, sikurse nga italishtja ‘parola’, do të thotë ‘fjalë’”, shpjegoi Ilir Meta, etimologjinë e fjalës “parlament”, për të pranishmit në Panairin e Punës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
