LSDM, partia në opozitë në Maqedoni ka publikuar sot edhe një përgjim me Ilir Metën. Për shkak se përgjimet me Ilir Metën janë problematike për të, edhe kësaj here pritej të ishte përgjim me shirit policie.
Por ishte krejt ndryshe, ndoshta përgjimi më pozitiv që është bërë ndonjëherë për kreun e LSI-së Ilir Meta.
Në vijim është biseda e plotë e përgjuar mes kreut të PDSH në Maqedoni, Menduh Thacit dhe Metës më 19 nëntor të vitit 2012.
M.TH: Mos po të pengoj?
I.M. : Jo, jo. Tani e pashë. Kërkoj falje, sepse tani e pashë. (paraprakisht M. TH. i ka shkruar një SMS). Si je?
M.TH. Mirë, mirë. Të shtunën do të organizoj një manifestim modest dhe kam dëshirë që të vish. E kam ftuar vetëm Daut Haradinajn dhe ty. Ke mundësi të vish?
I.M.: Në Tetovë?
M.TH: Po, po, rreth orës 4. Nuk do të ftojë askënd tjetër. Kam dëshirë të vish.
I.M.: Do të vij patjetër, do të lë të gjitha obligimet tjera.
M.TH: Faleminderit shumë. Domethënë të shtunën, ora 16.
I.M. Mirupafshim.
