Gjykata e Lartë liron Tom Doshin, masa e sigurisë “arrest shtëpie” zëvendësohet me”detyrim paraqitje”

Gjykata e Lartë liron nga arresti shtëpiak deputetin Tom Doshi. Sipas vendimit të saj, si masë sigurie për Tom Doshin vendoset detyrim paraqitje, çdo të hënë, në orën 10.00 në prokuroi.
Tom Doshi detyrim paraqitje, çdo ditë të hëne ora 10.00
Ndaj deputetit Tom Doshi ka nisur hetimi për kanosje me armë, kallëzim dhe deklarim të rremë. Deri tani prokuroria nuk ka ngritur asnjë akuzë konkrete ndaj tij.
Dy avokatët e tij mbrojtës, Vladimir Meçi e Ferid Muçaj, e depozituan kërkesën të 10 ditë më parë, ku para gjykatës supreme kanë renditur një sërë argumentesh, mbi bazën e të cilave do të këmbëngulin për nxjerrjen nga “ngujimi” shtëpiak të ligjvënësit Doshi. Sipas avokatëve të Tom Doshit, rrethanat që lejojnë revokimin e masës, sidomos konkluzionet e akt-ekspertimit, ndërsa e quajnë të vonuar mos komunikimin e ndonjë akuze nga prokuroria për klientin e tyre deputet.
Në përfundim të seancës, avokati Valdimir Mecce bëri të ditur se edhe ky vendim nuk është i drejtë, dhe se do të vazhdojnë betejën ligjore.
“Sot u bë revokimi i masës së sigurisë ndaj deputetit Tom Doshi. Lajm i mirë do të kishte qenë në qoftes e do të respektohej pariteti, në qoftë se gjykata do të respektonte ligjin, pasi organet e drejtësisë, te Gjykata e Lartë, duhet të demonstrojnë se respektojnë parimet dhe aktet ndërkombëtare”.
Deputeti socialist Tom Doshi ndodhet në “arrest shtëpie” që prej datës 29 mars. Kjo seancë gjyqësore u shty për datën e sotme pasi më datën 21 të këtij muaji, datë në të cilën ishte parashikuar të zhvillohej mungesë të njërit nga pjesëtarët e trupit gjykues.
Deputeti Doshi ndodhej në “arrest shtëpie”, pasi u akuzua se sajoi një skenar për vrasjen e tij dhe të deputetit të PD-së Mhill Fufi.
Bashkë me Tom Doshin nën akuzë janë edhe Durim Bami, që deputeti pretendon se ishte paguar nga Ilir Meta për ta vrarë, dhe deputeti Mark Frroku, i cili sipas Tom Doshit ka qenë personi që e ka lajmëruar i pari për këtë skenar. Ky pretendim është rrëzuar nga deputeti tjetër Mark Frroku.

/DRONI.al/