Flet Tom Doshi: Edi Rama shërbëtor i Ilir Metës, i qëndroj akuzave për vrasjen time

Deputeti Tom Doshi, ka reaguar në përfundim të seancës së sotme gjyqësore ndaj tij.
Duke u shprehur i pakënaqur nga vendimi, ai ka bërë të ditur se deri në fund do ti qëndrojë akuzave të tij, për tentativën e organizimit të vrasjes.
“Jam i pakënaqur nga vendimi, sepse asnjë akuzë ndaj meje nuk qëndron. Pavarësisht se Prokuroi i përgjithshëm, Kryeministri dhe Kryetari i Kuvendit po bëjnë presion, nuk kishin çfarë të bënin më shumë. Do të shkoj në Kuvend dhe do të tregojë të vërtetën time”, u shpreh Doshi.
Për Tom Doshin , Edi Rama është shndërruar në shërbëtor të Ilir Metës, ndërsa ai ka braktisur edhe socialistët.
“Edi Rama nuk ka nevojë për mbështetjen time në fushatë, për atë nuk kanë rëndësi zgjedhjet vendore. Ai po shijon pushtetin, ka braktisur socialistë, po i shërben LSI dhe Ilir Metës”, vijoi deputeti.
Duke folur për akuzat e tij, për tentativën e vrasjes, Tom Doshi konfirmoi se “I qëndroj akuzave, për vrasjen time dhe do i qëndrojë deri në fund zbardhjes së kësaj çështje”, përfundoi Doshi.