Tërmeti i fuqishëm që goditi Nepalin mëngjesin e sotëm ka shkaktuar edhe një ortek në Everest.
Nga orteku numërohen 18 viktima, por mendohet se bilanci mund të jetë më i madh. Orteku ka goditur bazën e kampit. Kështu raportojnë alpinistët nëpërmjet rrjeteve sociale.
Alpinistët kanë bërë apel në Twitter: “Dërgoni një helikopter”.
“Është një fatkeqësi e madhe. Kam ndihmuar në kërkimin e shpëtimin e viktimave. Ka shumë të vdekur dhe shumë të lënduar. Të tjerë do të vdesin nëse nuk vjen një helikopter sa më shpejt të jetë e mundur”.
Kështu shkruan në Twitter një alpinist, Alex Gavan, që ndodhet në kampin bazë të Everestit.
Në këto ditë, në Everest alpinistët kanë qenë të shumtë, si italianë ashtu dhe nepalezë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
