Spartak Braho është parë në ambientet e spitalit privat ku po merr ndihmën mjekësore, deputeti Mark Frroku, ndërsa dyshohet që ata edhe mund të kenë pasur një takim së bashku. Dyshimet për një takim të mundshëm, shtohen pas reagimit të kreut të Kuvendit Ilir Meta, i cili, ka bërë të paditurin për këtë takim, ndërsa i ka këkruar sot Spartak Brahos që të japë sqarime.
Spartak Braho mësohet se ëhstë parë dje në ambientet e spitalit, në kohën kur u tentua të pyetej Mark Frroku nga Oficerët e Policsë Gjyqësore.
Pas publikimit të këtij fakti ka reaguar Ilir Meta, i cili nëpërmjet Sokol Dervishajt, shefit të Kabinetit të tij, ka kërkuar që Spartak Braho duhet të sqarojë publikisht opinionin për të vërtetën. Sipas Dervishajt, kreu i Kuvendit, Ilir Meta ëhstë njoftuar nga mediat për këtë fakt, ndërsa i ka kërkuar të japë sqarime Spartak Brahos nëse është takuar me deputetin Mark Frroku në spital.
Shefi i Kabinetit të Ilir Metës po ashtu i ka kërkuar Ministrit të Brendshëm, Saimir Tahiri dhe Kryeprokurorit Adriatik Lalla që të hetojnë sipas rregullave dhe ligjeve në fuqi. Sipas tij nëse nga verifikimet rezulton se Braho dhe Frroku janë takuar, atëherë Kreu i Kuvendit do bëjë edhe qëndrimin e tij publik.
Një takim i mundshëm i Spartak Brahos me Mark Frrokun, hedh hije dyshimi, sepse deputeti i LSI-së, që është në konflikt gjyqësor me deputetin denoncues Tom Doshi. Ky i fundit kërkoi nga Prokuroria e Përgjithshme që të sekuestroheshin pamjet filmike të aeroportit të Hanoverit në Gjermani, pasi këmbëngulte se në to shfaqej Spartak Braho, duke u takuar me vëllain e Fatjon Skënderit, të cilin e akuzonte si ndërmjetës të vrasjes së tij.
Reagimi i plotë i Kuvendit
“Sot paradite pasi është njohur me lajmin në disa media, se sipas burimeve të tyre deputeti Spartak Braho është takuar me deputetin Mark Frroku në një spital privat në Tiranë, Kryetari i Kuvendit i ka kërkuar deputetit Spartak Braho të sqarojë publikisht opinionin publik lidhur me të vërtetën.
Po kështu sot paradite, Kryetari i Kuvendit i ka kërkuar ministrit të brendshëm Saimir Tahiri, Ministrit të Drejtesise, Nasip Naco dhe Prokurorit të Përgjithshëm të verifikojnë e hetojnë sipas rregullave dhe ligjeve në fuqi, nëse ky takim i pretenduar nga media ka ndodhur”.
