Halim Kosova: Konsideratë për Edi Ramën që gjithmonë ka vlerësuar punën time

Deklaratat e ditëve të fundit, të kryeministrit Edi Rama, në adresë të kandidatit të PD-së, për bashkinë e Tiranës, nuk kanë shkaktuar ndonjë ndikim të Halim Kosova, ndërsa ka shprehur konsideratë për atë që Edi Rama gjithmonë ka vlerësuar punën e tij.
Kandidati i demokrateve për bashkine e Tiranës nuk iu përgjigj etiketimeve, që kryeministri Rama i bëri pak ditë me parw, ndërsa shtoi se për të ishte e rëndësishme që Edi Rama, me herët e ka shprehur personalisht vlerësimin e tij për Halim Kosovën.
“Të jem i sinqertë që kur emri im doli për kandidat unë i jam veshur punës, i kam ndaluar njerëzit të më japin sinjale, qoftë edhe miq të mi, se jam i përqendruar aty ku do shkoj. Për kryeministrin Rama shpreh konsideratë për atë që ai gjithmonë e ka vlerësuar punën time, ka lavdëruar, edhe personalisht kemi folur edhe nga afër ma ka thënë. Gjëra të vogla që ju mi thoni nuk do ndikojnë në konsideratën, përkundrazi në bashki do t’i shtrij dorën çdo njeriu, nuk kam asnjë lloj komleksi. Më shumë se qetësia nuk ka asgjë tjetër për fushatën”, u shpreh Halim Kosova.
Disa ditë më parë, Edi Rama u shpreh për kandidatin demokrat të bashkisë së Tiranës, se
“Halim Kosova është e kundërta e doktorit të parë. Ky doktori tjetër është burrë i mirë, por shumë i lodhur”.
Deklarata e kandidatit të koalicionit të djathtë për garën elektorale të 21 Qershorit, erdhi në përgjigje të interesit të gazetarëve pas takimit me sportistë kampionë në Pallatin e Sportit “Fahrije Hoti”. Një pjesë e veçantë në programin e Kosovës për drejtimin e bashkisë së Tiranës do t’i dedikohet pikërisht talenteve të sportit, një mënyrë kjo që sipas kandidatit për kryebashkiak të kryeqytetit do të mund të “infektojë” shoqërinë shqiptare për të jetuar shëndetshëm.
“Me sportistët shkëmbyem mendime të cilat se s’bën do t’i kemi parasysh se jemi në një fazë të rëndësishme të ndërtimit të programit për 4 vitet e ardhme të bashkisë. Do ndërtojmë sistemin e komunikimit, si bashki e ardhshme çdo grup interesi do të ketë përfaqësim në bashki, në mënyrë që talentet të kenë rrugën e hapur për ta bërë këtë qëllim. Meqenëse vij nga sektori i shëndetësisë, vaksinë më të mirë për popullatën se sporti nuk ka. Unë si mjek dhe këta si sportistë, do infektojmë gjithë rininë që t’i ngjiten kësaj rruge që për të ardhmen e shëndetit të popullatës ka vlerë të madhe. Të shpenzojmë më mirë 5 lekë te sporti dhe të kursejmë 50 lekë për ilaçe”, tha Kosova.