Edhe pse flet me nota optimiste për fitoren e Partisë Demokratike në Durrës, ish-ministrja e Integrimit, Majlinda Bregu shpreh dilemën e saj në se Grida Duma mund ta fitojë garën për kryebashkiake në këtë qytet. Në përgjigje te pyetjes së Adi Krastës në emisionin e tij në Agon Channel, në se Grida Duma e fiton Durrësin, deputetja e Partisë Demokratike përgjigjet: “ Nuk e di”.
Ajo thotë se, do ta mbështesë Dumën dhe nuk ka asnjë konflikt e xhelozi femrash mes tyre duke shprehur se “njerëzit kanë interes e dëshira të fshehura për të parë gratë që kapen prej flokësh”. por mungesa e entuziazmit që e ka karakterizuar përherë ish-zëdhënësen simpatike dhe elokuente të Qeverisë Berisha, në këtë rast bie në sy.
Me nota pozitive Bregu flet edhe për shpalljen e kandidaturës për Bashkisë së Tiranës, si i pavarur, të Gjergj Bojaxhu , ish-anëtarit të këshillit Kombëtar të PD-së, të cilin në një kontekst e konsideron kurajoz: “Më pëlqen shumë kuraja qytetare për të dalë kandidat i pavarur. Pra më pëlqen ideja e mbledhjes së votave , sfidave. Gjergj Bojaxhi është një njeri që nuk ka qejf të vegjetoje dhe të zvarritet”, shprehet deputetja e PD-së.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
