Violinisti Olen Cesari së bashku me grupin e tij “International Clandestine Orchestra” vjen sot me një koncert në orën 19:00, në Pallatin e Kongreseve. Artisti shqiptar që po korr suksese të njëpasnjëshme në skenën ndërkombëtare, nuk do të performojë i vetëm në skenë pasi do të jetë i shoqëruar nga grupi multietnik “International Clandestine Orchestra”.
Ky grup përbëhet nga 6 muzikantë të kombësive të ndryshme si Kuba, Afrika Jugore, Peruja, Italia, Argjentina, të gjithë së bashku nën një emërues të përbashkët, muzikën. Fama e Olen Cesarit ka prekur disa vende të botës dhe veçanërisht Italinë ku ai edhe jeton. Në repertorin e tij dhe të “International Clandestine Orchestra” performohet nga muzika jazz e deri tek ajo etnike dhe botërore, duke sjellë një frymë të re koncertesh në disa vende të botës
Në skenë janë ftuar edhe këngëtarët Flori Mumajesi, Alban Skenderaj, Elvana Gjata, Ermal Mamaqi etj. Me një shitje rekord biletash, ky koncert do të mbush sallën e madhe të Pallatit të Kongreseve .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
