Taulant Balla i kompleksuar nga Grida Duma

Deputetit i PS-së Taulant Balla duket më i kompleksuari  ndër gjithë socialistët, nga emri i Grida Dumës. Për herë të fundit, kompleksin e tij ndaj saj, Taulant Balla e shprehu në mënyrë të përsëritur sot, në mbledhjen e Komisionit Parlamentar të Integrimit.
Pa asnjë lidhje, dhe kur diskutohej projektligji “Për Postën Shqiptare”, Taulant Balla ka lëshuar batutën, po pa lidhje, por thjesht dhe vetëm për të përmendur emrin e Grida Dumës.
“Ish zëvendësministrat e Integrimit i ka inat Majlinda… Ka lidhje me Gridën (Duma)”, tentoi të ironizonte Taulant Balla, duke rrotulluar sytë në se kishte bërë përshtypje batuta e tij. Ndërhyrja e Maljlinda Bregut, në adresë të deputetit socialist, sipas së cilës “ka të bëjë me inatin që ke ti me të gjithë ata të qeverisë që ishte. E ka problemin shumë të madh, që kur ka filluar të mos jetë më elegant nëpër emisionet televizive”, duket e ka frenuar, të paktën sa për sot, Taulant Ballën, që të mos vazhdonte të përmendte vend e pa vend emrin që atë e komplekson më shumë, atë të Grida Dumës.
Më pak se një javë më parë, në mbledhjen e Komisionit të posaçëm Parlamentar të Dekriminalizimit, Taulant Balla regjistroi fillimin e shprehjes edhe në publik, të kompleksitetit të tij ndaj Grida Dumës.
Në këtë mbledhje, në një replikë që kishte me deputetin demokrat Oerd Bylukbashi për ecurinë e punës së këtij komisioni, ishte Taulant Balla që sërish pa lidhje, si “argument” ndaj Oerd Bylykbashit për zvarritjen e punës së këtij komisioni, përdori batutën, e natyrës së tij, “qetësohuni më lini të flasë. Mund të jetë zënë me Gridën ku e di unë çfarë ka… Dil në fushatë me Gridën”.
Reagimin e Oerd Bylukbashit, i cili ju adresua deputetit socialist me etiketimin “sharlatan”, Taulan Balla nuk mundi ta kapërdinte dhe përballonte, ndërsa zgjodhi të braktisë mbledhje e këtij komisioni, duke detyruar e marrë me vete edhe deputetët e tjerë të mazhorancës.