Mediat italiane shkruajnë sot për arrestimin e një biznesmeni shqiptar në Brescia. Bëhet fjalë për Gëzim Sallakun, i cili është edhe Presidenti i Klubit të Futbollit “Darfo”.
Gazeta “Il Giorno”, shkuan se për klubin ka qenë një surprizë e pakëndshme arrestimi i Sallakut nën akuzën e pastrimit të parave dhe mashtrimit.
Klubi i futbollit kërkon të sqarohet gjithçka në lidhje me arrestimin.
Gëzim Sallaku, 42-vjeç njihet për pasurinë e madhe që ka. Në vite ai ka krijuar një perandori të vërtetë, mes restorantesh e kompanishë ndërtimi.
Që nga vera e kaluar ai mban edhe postin e Presidentit të Klubit të futbollit “Darfo”. Mediat italiane shtojnë se Sallaku ka pasur probleme me drejtësinë edhe më herët. Në 2002 u arrestua për trafik makinash luksoze, të cilat pasi grabiteshin rishiteshin në Europën Lindore.
Sallaku njihet ndër të tjera me nofkën “talebani” apo “Zim”, siç sqarojnë burime pranë grupit të hetimit.
Itali, arrestohet Gëzim Sallaku, biznesmeni shqiptar, president i një klubi futbolli
