Të gjithë burrat që pranuan borxhin e gjakut në mbledhjen e baballarëve në fshatin Kcir në Pukë, do të dëshmojnë për llogari të hetimeve ndaj Mark Frrokut.
Zyrtarisht mësohet se 24 burra do të thirren për të dëshmuar në lidhje me atë takim zakonor.
Në mbledhjen e baballarëve të zhvilluar në një fshat të Dukagjinit dhe kanë qenë prezent: Babai i viktimës , vëllai i viktimës Gjergji Kurti , Preng Frroku, babai i Mark Frrokut, Bive Djafa babai i Lek Bib Jafa si dhe Fran Ded Joka. Babai i të akuzuarit si autor i katërt , Nikoll Vuka rezulton se nuk është paraqitur në mbledhje pasi, djali i tij Aleks Vuka nuk e vlerëson veten përgjegjës për vdekjen e viktimës duke pretenduar se viktima kishte vdekur para se ai të ndërhynte.
Me gjithë mungesën e babait të Aleks Vukës , borxhi i gjakut ishte vënë dhe secila nga katër familjet duhet që të paguanin një jetë që mes tyre të vendosej sërish “paqja”
Sipas këtij zakoni një dënim i rëndë në Belgjikë është i barabartë me një jetë. Mbledhja konfirmoi se arsyeja e vrasjes se Aleksandër Kurtit ka qenë larja e hesapeve në lidhje me një rrjet prostitucioni. Me akuzën e vrasjes së një shtetasi shqiptare, Mark Frroku, tashmë I arrestuar, pritet të përballet edhe me 3 akuza të tjera, kanosje të dëshmitarëve, drejtim të rrjeteve të prostitucionit si dhe fshehje të deklarimit të pasurive.
Në relacionin dërguar kuvendit, bazuar në dëshmitë e marra nga prokuroria belge, Prokuroria e përgjithshme u shpreh se pas vrasjes së Aleksandër Kurtit, në 5 mars 1999, në një fshat të Pukës është zhvilluar mbledhja e Baballarëve që sipas traditës së gjakmarrjes , vrasësi duhet të sqarojë rrethanat dhe motivet e vrasjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
