Një roje i një qendre tregtare në Prishtinë është varrë sot në orët e para të ditës. Nazmi Ramadani, 44-vjeç është vrarë mëngjesin e së hënës në qendrën tregtare ‘Albi Mall’ në Prishtinë.
Ngjarja është konfirmuar nga zëdhënësi i Policisë së Kosovës, Daut Hoxha.
“Policia ka marrë informatën dhe menjëherë ka dalë në vendin e ngjarjes. Aty ka gjetur një person me plagë të marra në gjoks, që dyshohet të jenë shkaktuar nga armë zjarri. Nga mjeku i emergjencës është konfirmuar vdekja e viktimës në vendin e ngjarjes. Njësitë policore kanë ndërmarrë veprimet e nevojshme fillestare dhe ato hetimore për të sqaruar rrethanat, ndërsa policia është në kërkim të autorëve që dyshohet se kanë kryer këtë krim”, ka thënë Daut Hoxha.
Dyshimet e para, sipas zyrtarit për informim të policisë, kanë të bëjnë me një vjedhje në proces. Dyshohet se persona të maskuar dhe të armatosur kanë vrarë rojën e qendrës tregtare ndërsa ai ishte në kryerje të detyrës. Viktima u qëllua në gjoks pasi që kishte penguar të dyshuarit të kryenin një vjedhje.
Policia e Kosovës është duke marrë në pyetje disa dëshmitarë lidhur me rastin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
