Gjergj Bojaxhi, kandidati i pavarur i vetëshpallur për garën e kryebashkiakut të Tiranës, i ftuar në emisionin “Tonight”, të Ilva Tares, ka zbuluar dicka nga vetja dhe programi i tij elektoral.
Duke folur për veten, ai ka zbuluar se është banor i fshatit, konkretish i Farkës, fakt që e ka treguar me krenari, duke mos kursyer as batutën “unë jam i vetmi kandidat fshatar, në këtë garë elektorale”.
Me gjithë kujdesin për të mos shkelur Kodin Zgjedhor, në respekt të afateve të fushatës elektorale, Gjergj Bojaxhi megjithatë e bëri një premtim. I nacmuar nga një anëtar i stafit të tij sot, i cili përgjatë lëvizjes në rrugët e Tiranës nuk kishte ku të hidhte një letër camcakizi, por për të shuar edhe kërshërinë e moderatores së emisionit, Gjergj Bojaxhi lëshoi premtimin e parë sonte, sipas të cilit, “do shtoj koshat e mbeturinave në Tiranë”…
Gjergj Bojaxhi: Unë kandidati fshatar për kryeqytetin që do të shtoj koshat e mbeturinave në Tiranë
