Paradoks apo gënjeshtër – shtohen të punësuarit, ulen të ardhurat nga sigurimet

Ndërsa të punësuarit rriten me 93 mijë, të ardhurat nga sigurimet bien 3.8 për qind. Sipas ekspertëve të Financave arsyeja e rënies së të ardhurave lidhet edhe me heqjen e pagave të referencës duke bërë që nga vit në vit bizneset të deklarojnë paga më të ulëta.

Të ardhurat nga sigurimet shoqërore shënuan rënie me 3.8 për qind gjatë periudhës janar shkurt të këtij viti në krahasim me të njëjtën periudhë të 2014. Ko shifër tingëllon paradoksale, përballa shifrës prej 93 mijë persona të punësuar më shumë sipas INSTAT gjatë vitit të shkuar.
Për muajt janar shkurt, të ardhurat nga sigurimet sipas të dhënave nga Ministria e Financave arritën ne 8.853 milionë lekë nga 9.209 milionë lekë që u mblodhën në të njëjtën periudhë të një viti më parë.
Vitin që shkoi të ardhurat nga sigurimet shënuan një rritje me gati 11 për qind kundrejt planit 2014 dhe 20 për qind kundrejt faktit 2013. Por sipas shpjegimeve që ISSH ka dhënë në analizën vjetore, një pjesë e madhe e të ardhurave i dedikohen faljes së kamatëvonesave të detyrimeve për fshatin në kuadër të reformës së re të pensioneve.
Ministri Veliaj pohoi pak ditë më parë se gjatë vitit 2014 në regjistrat e ISSH-së të kishte një rritje me 93.392 persona më shumë të deklaruar si të punësuar dhe që paguajnë kontributet e sigurimeve shoqërore.
“Askush nuk është naiv që të thotë se, këto janë të gjitha vende të reja pune. Disa janë vende të reja pune, të tjerat janë vende pune që janë zbardhur nga puna në të zezë”, tha Veliaj.
Por rritja e pjesëmarrjes në skemën e sigurimeve në këtë masë e bën më komplikuar arsyet e rënies së të ardhurave në këtë vit. Sipas ekspertëve të Financave arsyeja e rënies së të ardhurave lidhet edhe me heqjen e pagave të referencës duke bërë që nga vit në vit bizneset të deklarojnë paga më të ulëta.
Nga fillimi i këtij viti është vënë në zbatim reforma e re pensioneve, prej të cilës të gjitha gratë dalin dy muaj më vonë në pension nisur nga ky vit.

/DRONI.al/