Dhuna në stadium, UEFA ndal lojën. Serbët shfaqje turpi, shqiptarët mbrojnë flamurin

Incidente në fushën serbe, futbollistët shqiptarë përplasen me serbët për flamurin shqiptar! Minuta e 41 e pjesës së parë dhe ndeshja ndërpritet për te mos u luajtur më.
Një flamur me ‘Shqipërinë e Madhe’ imazhin e Ismail Qemalit, e Isa Boletinit i telekomanduar u valëvit mbi fushën e stadiumit ‘Partizani’ pak para fundit të pjesës së parë të ndeshjes.
Futbollistët serbë tentuan ta ‘shqyenin’ por futbollistët shqiptarë ndërhynë dhe nuk i lejuan. Ishte lojtari me numër 13 i Serbisë, Mitrovic që kapi i pari flamurin e telekomanduar, ndërsa i menjëhershëm ka që reagimi i  Xhakës dhe Balës.
Taulant Xhaka ka reaguar për xhestin në stadium duke u shprehur “Nuk e lejova ‘shkjaun’ të prekë flamurin”.
Flamuri i valëvitur para 25 mijë tifozëve serbë kishte një mesazh! Mesazhin duhet ta lexonin, ata, tifozët. Aty shkruhej në anglisht “Shqipëria Autoktone”.
Ky ‘kal troje’ shkaktoi reagime të forta e ovacione tek tifozeria serbe, të cilët u futën në fushë dhe nisën të godasin futbollistët shqiptarë. Akte barbare dhe huligane këto, që s’kanë lidhje me futbollin.
Kjo shkaktoi ndërprerjen e takimit nga gjyqtari kryesor Martin Atkinson.
Forcat e policisë dolën në fushë, mësohet se gjatë kohës që u ndërpre ndeshja, policia ka larguar huliganët që hodhën gjithçka mundën në fushë, madje sulmuan në mënyrë të turpshme edhe bankinën shqiptare.
Nga stadiumi i ‘Partizanit’ vijnë informacione që pavarësisht tensioneve e sulmit të gjithë futbollistët e kombëtares shqiptare janë në gjendje të mirë shëndetësore.
Kapiteni i kombetares shqiptare Lorik Cana ka shkruar ne faqen zyrtare: “Jemi mire. Shqiptaret si gjen kurre asgje. Ne pritje per te luajtur serish nese do vendoset te luhet ose do vendoset drejtesia. Futbolli eshte bere per tu luajtur dhe shijuar dhe jo per skena te tilla!
Ndërprerja e ndeshjes ishte e menjëhershme. UEFA mori më pas vendimin për ta mbyllur atë përfundimisht.
Tashmë i përket UEFA-s të diskutojë me imtësi për çka ngjau në këtë ndeshje të tensionuar, që për pak u shndërrua në tragjedi, ku lojtarët kuqezinj u goditën dhe u dhunuan edhe fizikisht, pa llogaritur ofendimet në kor, zhurmimin total të intonimit të himnit shqiptar, apo edhe fishekzjarret e hedhura në fushën e blertë. Serbia bëri gjithë bllokadën e mundshme për të mos pasur asnjë tifoz shqiptar në stadium, veçanërisht me simbole kuqezi, por nuk qe në gjendje të mbajë nën kontroll tifozërinë e vet. Duke parë dhunën në stadium ka gjasa që Shqipëria të marrë 3 pikët në tavolinë.
Ishin tifozët serbë ata që provokuan të parët, duke hedhur sende të forta e fishekzjarre në fushë, e pastaj në minute e 40′ u valëvit mbi fushë flamuri i ‘Shqipërisë së Madhe’ që shkaktoi irritimin e serbëve.

/DRONI.al/