Qeveria siriane dhe opozita kryesore politike shkëmbyen akuza më njëra- tjetrën në ditën e parë të një konference të madhe, e cila synon gjetjen e një marrëveshje për vendin e zhytur në luftë prej tre vitesh. Sipas BBC, Sekretari i Përgjithshëm i OKB, Ban Ki- moon u kërkoi palëve që të përfshihen në diskutime konstruktive, por asnjë nuk e dëgjoi, duke treguar kështu se nuk do i braktisin lehtë pozicionet e tyre.
Sekretari i Shtetit, John Kerry tha se nuk ka asnjë mundësi që presidenti Bashar al- Assad të mbetet në pushtet.
Në fillim të fjalimit të tij plot zemërim, ministri i Jashtëm i Sirisë, Walid Muallem tha se disa nga shtetet e pranishme në bisedime i kanë duart e lyera me gjakun e Sirisë.
Ai tha se këto vende kanë tentuar që të destabilizojnë Sirinë.
“Askush në botë nuk ka të drejtë që të heqë legjitimitetin e presidentit dhe qeverisë përveç sirianëve,” tha ai, ndërkohë që shpërfillte thirrjet e Ban Ki- moon që t’i përmbahej minutazhit në diskutim.
Kurse kreu i Koalicionit Kombëtar në opozitë, Ahmad Jarba, tha nuk ka qenë zgjidhja e tyre të marrin armët, por kjo gjë iu imponua nga regjimi sirian.
Ai i bëri thirrje qeverisë që të nënshkruajë marrëveshjen dhe të dorëzojë urgjent pushtetin tek një autoritet tranzicional.
“Për Sirinë, koha tani është gjak,” tha ai.
Konflikti në këtë vend ka shkaktuar më shumë se 100 mijë viktima.
Të premten pritet që në Gjenevë të Zvicrës të nisin bisedimet direkte, ndërkohë që sot të pranishëm kanë qenë rreth 40 ministra të Jashtëm.
Albi Serani, një zëdhënës i Prokurorisë së Përgjithshme i tha Balkan Insight se çështja po hetohet aktualisht nga Task- Forca kundër Krimit Ekonomik dhe Korrupsionit, megjithatë deri më tani nuk ka ende të dyshuar.
Të dhënat e siguruara nga Balkan Insight përmes një kërkese për lirinë e informimit tregojnë se Drejtoria e Përgjithshme e Policisë ka shpenzuar 198.950.000 lekë (1.4 milionë euro) në tre fushata të mëdha publicitare nga viti 2010 deri në vitin 2012.
Të tre kontratat shkuan tek një agjenci e vetme reklamash, Promo SHPK, një kompani në pronësi të vëllait të Aleksandër Frangajt, pronar i TV Klan, një stacion televiziv pro- qeveritar.
Si redaktor i gazetës së viteve ’90, “Koha Jonë”, Frangaj ishte një armik i Berishës, President i Shqipërisë nga viti 1992 deri në vitin 1997.
Në vitin 1994 ai madje e burgosi atë për një periudhë të shkurtër pasi mërziti Berishën dhe Partinë e tij Demokratike.
Megjithatë, pasi Berisha rifitoi pushtetin në vitin 2005 si kryeministër, Frangaj kultivoi marrëdhënie të ngushta, duke e shfaqur hapur mbështetjen e tij.
Kontratat u dhanë për dy fushata informimi mbi të drejtat dhe detyrimet e qytetarëve shqiptarë që udhëtojnë drejt vendeve të BE-së pas liberalizimit të vizave.
Kontratat ishin pjesë e një skeme të gjerë për të pasuruar median pro- qeveritare gjatë tetë viteve në pushtet të Partisë Demokratike.
Të tjera institucione ishin bujare me kompanitë në pronësi ose të lidhura me Frangajn, përfshi Këshillin e Ministrave dhe Ministrinë e Mbrojtjes.
Ministria e Mbrojtjes vetëm në dy vitet e fundit dha 580 mijë euro për reklama tek dy kompani të lidhura me Frangajn, Promo dhe Zoom Events.
TV Klan po ashtu mori 427 mijë euro nga Këshilli i Ministrave në vitin 2008 dhe 2010.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
