Disa të shtëna me armë zjarri ka pasur rreth mesditës së sotme në një lokal në aksin Elbasan – Xibrakë.
Mësohet se të shtënat me armë kanë ardhur pas një sherri dhe përplasje fizike midis disa e personave.
Dëshmitarët bënë të ditur se në momentin kur ka ndodhur ngjarja ka pasur shumë klientë në lokal.
Policia pasi shkoi në vendin e ngjarjes, shoqëroi një nga personat protagonist, me inicialet S. M., të cilin po e merr në pyetje. Ndërkohë, si provë materiale janë bllokuar edhe disa gëzhoja.
Njoftimi i plotë i Policisë së Elbasanit
Më datë 22. 07. 2017, në Sallën Operative ka ardhur një telefonatë se në aksin rrugor Elbasan – Xibrakë ka pasur të shtëna me armë zjarri.
Menjëherë në vendngjarje kanë shkuar shërbimet e policisë dhe nga verifikimet paraprake ka rezultuar se në aksin rrugor Elbasan – Xibrakë ka pasur një konflikt midis disa shtetasve.
Gjatë konfliktit dyshohet të jetë qëlluar me armë zjarri në ajër.
Nga të shtënat me armë zjarri nuk ka persona të dëmtuar
Njëri nga personat që është përfshirë në konflikt, shtetasi S. M., aktualisht është i shoqëruar në Komisariat dhe po merret në pyetje për sqarimin e rrethanave të ngjarjes.
Gjatë kqyrjes së vendit të ngjarjes grupi hetimor në afërsi të karburantit në aksin rrugor Elbasan – Xibrakë ka gjetur dhe sekuestruar në cilësinë e provës materiale, dy gëzhoja pistolete kalibër 9 mm.
Grupi hetimor po punon për sqarimin e plotë të rrethanave të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
[…] kapjen e personave në të implikuar në ngjarjen e Xibrakës, ku pati të shtëna me armë zjarri. Ngjarja në Xibrakë ndodhi rreth orës 16:00, ku sipas policia kishte një konflikt midis disa shtetasve dhe […]